பல்வேறு கொலை, கொள்ளைகளுடன் தொடர்பு
வவுனியா பேருந்து நிலையத்தில் நேற்று அதிகாலை 1.00 மணியளவில் ஆயுதங்களுடன் மூன்று சந்தேக நபர்கள் கைது செய்யப்பட்டுள்ளனர்.
இச்சம்பவம் குறித்து வவுனியா பொலிஸார் தெரிவிக்கையில்;- வவுனியா பேருந்து நிலையத்தில் சந்தேகத்திற்கிடமாக நடமாடிய மூவரும் பொலிஸாரை பார்த்தவுடன் ஓட முற்பட்ட வேளை பொலிஸார் சந்தேக நபர்கள் பயணம் செய்ததாக நம்பப்படும் பட்டா வாகனம் உட்பட 1 பிஸ்ரல், 1 நாட்டுத் துப்பாக்கி, 2 முகத்தை மூடி அணியும் மாஸ்க் மற்றும் 25000 ரூபா பணம் என்பவற்றை கைப்பற்றியுள்ளனர்.
கைது செய்யப்பட்ட மூன்று சந்தேக நபர்களும் இலங்கை பூராவும் பல கொலை கொள்ளை சம்பவத்துடன் தொடர்புபட்டவர்கள் என்றும் கைது செய்யப்பட்டவர்களில் ஒருவர் இரட்டை கொலை வழக்கில் தேடப்பட்டு வரும் குற்றவாளி எனவும் வவுனியா பொலிஸார் தெரிவித்தனர்.
கொழும்பு, பதுளை, யாழ்ப்பாணம் பகுதிகளைச் சேர்ந்த மூன்று சந்தேக நபர்களும் யாழ்ப்பாணத்தில் பிரபல வியாபாரி ஒருவரை கொலை செய்து கொள்ளையடிக்க திட்டமிட்டிருந்ததாகவும் அது கைகூடாத நிலையில் வவுனியாவில் வைத்து கைது செய்யப்பட்டதாகவும் இன்று (நேற்று) நீதிமன்றத்தில் சந்தேக நபர்கள் முன்னிறுத்தப்படுவார்கள் எனவும் வவுனியா பொலிஸார் மேலும் தெரிவித்தனர்.
0 comments:
Post a Comment